陳達仁開長生店：留位畀DaDa
昨日電台主持人陳達仁以老闆身份出席長生店開幕，請來被網民封為「最騎呢女子組合」的FFx剪綵，眾人齊齊切燒豬，FFx現場受訪時聲稱是長生店代言人，當記者求證陳達仁時，抵死的陳達仁卻說：「佢哋只係嚟撐我場，佢哋話咩咪咩囉！」
陳達仁接受訪問時稱，除送給FFx每位一個「豪華劏房暫存靈灰位」外，更關照埋因撞毀其弟座駕而反目的o靚模盧頌之（DaDa）：「留咗一個位畀DaDa Lo……照顧埋朋友啫，收費冇計。」對於陳達仁的好意，DaDa於電話中回應：「多謝，有心，不過我唔想再回應有關佢嘅嘢！」
代言酬金9,999
FFx事後再接受電話訪問，四女堅稱是代言人並透露酬金：「半年代言人費每人有九千九百九十九蚊，之後仲會拍電視廣告，酬勞會另計。」並表示最開心收到「灰位」，FFx說：「連經理人都受惠。（骨灰位年期？）擺到陳達仁死埋。」又謂今次做代言很有意思，因長生店會回饋窮苦大眾，她們謂：「有啲流浪漢過咗身又冇人處理身後事，呢度會幫佢哋籌錢辦理。」
文：音樂組