連詩雅恨練腹肌縮腩

歌手連詩雅昨日到電台宣傳新歌及音樂會時透露，今次是入行六年來首個個唱，心情十分緊張：「第一次要一次過唱多過10首歌，所以要練氣，好在平日有做開運動跑步！不過其實跑步同練氣冇乜關係，反而想練腹肌，Keep番好個線條。」向來纖瘦的她自爆有小肚腩：「個肚有脂肪！我鍾意食濃味嘢！不過我又唔想其他地方太瘦，所以要平衡，最緊要唔好太鹹太甜。雖然唔知有冇露臍裝，但萬一要露都唔會畀人見到個肚腩嘛！平時都要縮。」