伊健拍拖見得光 唔使「蒙」嘉慧
影星鄭伊健、邵音音、戴夢夢與朱慧敏等昨晚為戲院開幕活動擔任嘉賓，自言喜歡包場的伊健被問到會否與太太蒙嘉慧包場睇戲？他說：「咁樣太浪費啦！（同太太喬裝睇戲？）都唔使，以前就多啲人影，依家少咗！加上我哋一係好早、一係好夜睇！」
而邵音音與戴夢夢早前合作真人騷《跟住矛盾去旅行》，談到節目中指夢夢「戇居」？邵音音說：「咁你偷情就靜靜哋偷，你又畀人影晒，咁咪變咗公敵！（你又話佢單純？）兩回事，單純係指好簡單，就等同啲貓貓狗狗係好單純，又唔代表佢哋唔咬人。」夢夢則笑言經常被鬧戇居：「冇所謂啦！佢寸我係同我Friend啫！」
