周潤發61歲生日行山大過天

神級影帝周潤發昨日61歲生日，但照舊選擇最愛的行山活動，昨晨與發嫂陳薈蓮吃完早餐後便跟健身教練行山，今次到錦田甲龍徑再到雷公田，算是較為輕鬆。不少行山客有幸在發哥的生日正日撞到偶像，紛紛要求自拍，親民的他有求必應，笑住揸機自拍，照片公開後獲大批網友祝生日快樂！周潤發受訪時笑說：「生日都係咁過，冇咩特別嘅，年初一都照行山！最緊要開開心心。」去年60歲大壽，周潤發相約好友到元朗食盆菜，發嫂透露今年會跟好友食中菜。