反鎖解唔掂唐紫睿捱鞭

最強娛樂資訊App《東網巨星》推出全新娛樂節目《東網Baby大作戰》，每集邀請不同女星接受挑戰，今集邀得新一代「晶女郎」唐紫睿（Hazel）接受三大挑戰，主要考驗拳打、腳踢與鎖技等格鬥技術，驗證其勝出MMA真人騷實力，決心做「狠．性感」Baby的她還招積地說：「我話過要做打女o架嘛！」

攰到語無倫次呻苦

Hazel今次接受的三項挑戰，分別是20秒內揮出60拳、20秒內踢腿高、中、低位五組共十五腳及終極挑戰30秒內從「魔鬼教練」羅浩銘的鎖技中逃脫！接受挑戰前，她先做好熱身工夫，除了烏身拉筋及谷肌舉啞鈴外，還大打沙包、Speed Bag「啪啪」聲響，「狠」性感呢！

大戰一觸即發，Hazel不費吹灰之力先通過頭兩關挑戰，力證「睇得又打得」！身形高挑的她毫不吝嗇一雙美腿喪踢！不過，Hazel在最終回合挑戰「魔鬼鎖技」，一開波纖腰即被浩銘雙腳鎖實，她出盡飲奶之力解鎖，但最後被浩銘反客為主變成男上女下被騎，Hazel即慘嗌：「點解會畀佢坐番轉頭！」

唐紫睿高、中、低腳下下踢得狠，腿夠長係唔同啲！	唐紫睿密集式出拳，打到「啪啪」聲。	性感上陣的唐紫睿瞓身做Warm Up！

挑戰失敗當然要受罰，「戰繩一分鐘」下的Hazel運用全身氣力將斤量十足的雙繩係咁鞭，難怪完成後攰到語無倫次，她說：「講唔到嘢住……可唔可以一陣先剪番落去……好辛苦呀！」

唐紫睿

年齡：28歲

三圍：33C、25、35

身高：1米76

簡歷：新一代「晶女郎」，曾拍攝電影《鴨王》系列、《賭城風雲》及《唐伯虎衝上雲霄》等，最近參加ViuTV節目《G-1格鬥會》因是非不斷而成功上位，最後更贏得金腰帶。

【http://goo.gl/tegBgl】

文：影視組

攝：鄭家俊

髮型：Ginny Lam @ Hair Culture

場地：Raiz Martial Fitness