趁老婆放假造人？張繼聰：瞓都冇時間

藝人張繼聰前晚與周柏豪出席《憤怒鳥大電影》首映，談到太太謝安琪正值放假，問是否已準備造人，他說：「隨緣啦！依家拍《幕後玩家》連瞓都冇時間！佢依家好享受生活，呢10年佢都忙。」對於太太主演的劇集《殭》監製陳維冠對收視感失望，阿聰說：「知佢想改變觀眾睇劇嘅習慣，《殭》係新題材，唔係觀眾睇開嘅類型！我有認真去睇，一個行頭要好係要百花齊放，有人批評我覺得幾好！」
張繼聰忙開工之餘，咪冷落家中嬌妻喎！
張繼聰忙開工之餘，咪冷落家中嬌妻喎！

至於周柏豪則笑指現場播放的音樂是其新歌《我隻鳥好憤怒》，惹來全場大笑！其好友余文樂最近傳與周冬雨撻着，有指二人年紀相差遠，他力撐：「年齡唔關事，但阿樂話周冬雨覺得自己身材似14歲，阿樂就話佢智商14歲，幾Sweet！」

周柏豪對住大公仔笑到四萬咁口。
  • 周柏豪對住大公仔笑到四萬咁口。