鄧麗欣大婆出手周身傷
藝人鄧麗欣（Stephy）前晚出席有份配音的動畫片首映禮，正忙於拍攝另一部新片的她，在戲中飾演大婆兼殺手，並有不少打鬥戲，她說：「前日打到背脊瘀咗，手腳又傷又痠軟，拍緊嗰陣道門爆咗，畀玻璃擦傷手。」
今次動畫配音，Stephy直言情緒起伏較大：「前嗰part溫柔啲似自己，後面嗰part就爆嬲，可以發洩吓情緒！」至於是否與方力申分手後配音？她尷尬回答是最近。談到方力申最近獲朋友介紹女仔給他認識，Stephy又可有朋友介紹男仔？她說：「冇喎。（姊妹都冇介紹？）佢哋都唔理我，冇刻意。（因為多人追？）冇，冇諗呢啲嘢，拍完呢部都繼續拍另一部，依家工作行先。」