樂基兒買碟暗撐黎明
名模樂基兒（Gaile）及藝人蔡穎恩等昨日出席溥儀眼鏡開設的Linda Farrow專門店活動，Gaile透露剛旅行返港，故早前沒看前夫黎明演唱會，也沒留意其金句。問有否看其演唱會直播？她說：「冇人send畀我。（你哋Facebook冇加對方做朋友？）我都冇Facebook。（演唱會出碟會否支持？）佢咁多年音樂上面都好有才華，會支持吓。」Gaile指以前不會戴太陽眼鏡，但近幾年開始戴：「因為街上面有好多媒界（記者），我有少少近視，但我冇戴眼鏡，又戴唔到隱形眼鏡，有時睇嘢會矇起眼，畀記者影過唔靚，所以都係戴住好啲。」
而蔡穎恩就謂想揀選太陽眼鏡給男友和好友陳嘉寶：「嚟緊係男朋友生日，想揀副太陽眼鏡送畀佢！而嘉寶話最近套劇收得好好，落街買外賣都被人影。我成日同佢同埋佢男友一齊出街做電燈膽，要準備好太陽眼鏡，擋住佢哋嘅閃光，佢哋好sweet，食食吓飯都BB聲又互餵。（搵定你做伴娘？）我唔做伴娘，因為好煩。（你爬頭嫁？）有位uncle話我個樣似係呢幾年（結婚），我覺得仲後生唔心急。」
