鄭嘉穎耍劍谷爆鋼條肌
藝人鄭嘉穎於劇集《殭》的造型被指似足元華，唔好以為只係造型似，原來嘉穎除咗衫後的一身鋼條型紮實肌肉都好似對方，難得嘉穎罕有一露，女Fans真係睇到眼都唔眨。
鄭嘉穎於劇集《殭》中突出的場口不算多，劇中演不死人的他，除造型被指「油立立」似足殭屍始祖元華外，連衣着亦甚為樸素，經常只穿軍褲及素色衫。不過前晚一集中，嘉穎終於有勁爆突破！嘉穎赤裸上身、汗流浹背地晒肌耍劍，不單止造型上似足元華，連一身鋼條紮實肌肉都同對方一樣咁fit！驟眼睇，真係以為功夫了得的元華喺度耍劍，難得嘉穎罕有大晒「朱古力肌」，唔理似邊個都好，女Fans都睇到眼都唔眨！
網友跪求髮蠟牌子
劇中個頭經常「油立立」的嘉穎，唔知用咗幾多髮蠟嚟gel頭，前晚一集他攞起把刀不停揮時，個髮型始終不變冇亂過！不少網友於網上留言驚嘆謂：「究竟佢用乜嘢gel？點解個髮型可以keep住屹立不倒？」更有網友即刻諗番之前謝安琪着住白衫被綁住掙扎一幕，更指除咗謝安琪身形好外，原來嘉穎都一樣咁有quali！」
文：影視組