阿Sa心有所屬 Oppa陪天光

歌手蔡卓妍（阿Sa）日前出席公關好友鄭紹康的生日派對時，接受《東網電視》訪問，她透露現正錄製新歌，稍後會聯同鍾欣潼（阿嬌）展開巡唱。她還自爆最近愛上煲韓劇，成為韓粉，她說：「依家夜晚盡量唔出街，因為要煲劇！（煲咩劇呀？）唔話你知！夜晚約咗Oppa呀！（追到唔想出門口？）係呀！我呢啲天蠍座好極端o架！一係就咩都唔搞，一投入就好投入。（追到唔瞓覺？）成日唔瞓追天光o架喎！」不過，同事反而讚她工作效率變高，因她想盡快完成工作，繼續煲劇。問到會否擔心變成宅女，她說：「好多人話我皮膚好咗，做一個靚宅女我都OK。」