湯駿業讚Fiona靚女最甜武器

歌手林奕匡（Phil）近日推出的新歌《有人共鳴》大獲好評，更特意邀請歌手兼舞台劇演員湯駿業（Ahdee）擔任MV男主角。日前二人接受《東網電視》節目《娛樂onShow》主持李文珊（Sherman）訪問，除即場展示氹女神功外，更自爆(火羅)事！

忘詞！林奕匡口擘擘

Phil談到剛出道時接了一個商場騷，當時汗流浹背之餘，唱到一半更完全忘詞，擘大個口得個窿，他說：「可能嗰陣着太多衫，飲唔夠水，流好多汗，隻眼好澀，唱唱吓隻歌睇唔到啲字，一唱副歌嗰時就擘大個口得個窿！」

Fiona近年散發輕熟味道，但甜美依舊，難怪湯駿業不擔心她變「盛女」。	湯駿業與林奕匡分享冧招，與主持Sherman十分好傾。	放大圖片

狼狽！揸車剷跑步徑

而Ahdee亦自爆有次失驚無神揸車剷上山頂跑步徑，除了令跑手當場「O嘴」之外，更搞到架車「唔上唔落」，非常狼狽！另外，提到緋聞女友薛凱琪（Fiona），他依舊用「好朋友」形容，不過問到怕不怕對方會變「黃金盛女」時，他即維護說：「唔使擔心佢，佢咁靚，靚就係一種武器，一種優點啦！同埋佢仲係一個咁可愛、咁Sweet、帶咁多歡樂畀身邊人嘅女仔。」想知更多Ahdee點睇Fiona？就要密切留意逢星期五播出的《娛樂onShow》喇！

文：專案組

湯駿業服裝：Twist