河國榮借錢醫癌犬

愛狗可以去到幾盡？狗癡河國榮最高峰時曾收養13隻流浪狗，試過碌爆卡要向友人借錢畀寵物醫病，他說：「有段時間真係入不敷支，經常要瘋狂碌卡，直到信用卡都冇得再用嗰陣，咁啱其中一隻狗不幸患上癌病，其他嘅狗狗又到期打針，只好硬着頭皮問朋友借錢。」全天候照顧愛犬的河國榮，坦言曾擔心狗糧有問題而親自試食：「因為唔知啲狗糧會唔會過度鹹或太過炸味重，試完覺得對人嚟講都唔難食嘅，淡淡哋。」