譚凱琪擴闊戲路 唔熟唔食

無綫小花譚凱琪（Zoie）擁有Fit爆纖細身形及不老童顏，雖然潛質優厚，但入行多年來未有上位機會，直至早前終憑劇集《EU超時任務》彈出，榮升網民新寵！愈戰愈勇的Zoie決定脫o靚味，在多套劇集中走成熟路線，希望戲路更闊！

自嘲眼神出賣年紀

擁有一副童顏自然令人羨慕，現年34歲的Zoie數年前到澳門賭場仍被查身份證，但她謙稱歲月催人，現已不再童顏：「我覺得眼神會出賣年紀，十幾歲嗰陣幾晚唔瞓都好精靈，但依家唔得喇！其實皮膚好，睇落就後生好多，好多女仔都Keep得好好，我麻麻哋咋！（唔認童顏？）前幾年仲OK，依家叫貼近番年齡喇！」

Zoie於2013年轉戰無綫，首套劇集《我們的天空》中因童顏被安排扮演大學生，近年竟愈演愈熟，在《EU》一劇中飾演記者，《城寨英雄》中更飾演母親，最近的《致命復活》亦刻意趕走少女味道：「我都怕事業局限咗，擔心只能夠演阿妹、阿女，當然睇得起我拍青春劇係開心嘅，但都希望處理到更多角色。今次拍《致》劇，我同何雁詩分別同王浩信有感情線，希望同雁詩分別大啲，所以更加刻意要演得成熟！由《我》劇做阿女到《城》劇做阿媽，真係跨出一大步，當然保養好緊要，做阿媽都可以係靚媽！」

譚凱琪雖自嘲不再童顏，但就咁睇邊似34歲！	譚凱琪於《EU》劇露少少即榮升女神，連拍檔戴耀明（右）都「動L」！	譚凱琪於新劇做人阿媽，是戲路一大突破。

文：立影

攝：張福榮

髮型：Kim Li @ HH hair-nail

場地：Airisu Cuisine