《玄學星相》：愛妻號青雲都有脆弱時

最新一集《東網巨星》娛樂節目《玄學星相》由堪輿學家麥玲玲師傅帶大家深入探討「愛妻號」的男人是如何煉成的！提到圈中不少男星都被封為「愛妻號」，到底有否「錫老婆相」，麥玲玲說：「男人愛老婆當然有樣睇，顧唔顧家？睇堂眉啦！眉濃嘅男仔家庭責任感重，覺得屋企係非常之重要喎！王祖藍、張繼聰同劉青雲都係眉比較濃嘅！仲有一個好處就係眉濃嘅男仔多數怕老婆，咁愛妻號得嚟又聽老婆話，你話幾好呢！」

怕老婆一定發達？

俗語有話「怕老婆會發達」，真定假呢？麥玲玲說：「咁就要睇個男仔嘅命格，中國人咁講其實主要係想講男仔個理財態度比較豪爽啲，女仔管錢叻啲，咁好多時話怕老婆會發達，其實都係因為個老婆睇住啲錢，但唔係每一個老婆睇錢都叻，如果你咁唔好彩娶咗個老婆係亂咁使錢嘅，咁就真係怕老婆都會破產o架！」

李亞男、王祖藍	張繼聰、謝安琪	堪輿學家麥玲玲（右）於《玄學星相》細數圈中「愛妻號」。

另外，劉青雲是圈中公認的好老公，好老公有沒有難頂之處呢？麥玲玲說：「通常呢啲眉濃眼少少深嘅男仔，其實個內心都係脆弱嘅喎，你要好兼顧到佢嘅諗法，同埋……」想繼續聽師傅點講？就要Click入《東網巨星》的「視娛樂」，睇《玄學星相》就更啱Feel喇！

網址：http://goo.gl/UwQ6nD

文：專案組