張子丰太血腥被投訴

歌手張子丰（Fred）早前推出新歌《推銷員之死》，以同名經典劇本為創作靈感。Fred表示：「故事係講一個人無論幾努力去迎合社會都未必有人注視，套落愛情就係不斷去迎合，但身邊嘅人都未必會愛番你。」提到《推》是「死亡三部曲」系列最終回，他親自執導的MV亦會連貫上兩部的「血腥」畫面：「上次《輪迴》因為太血腥被電視禁播，今次就更加血腥，所以剪咗個刪剪版，但當然原版好睇啲，視覺上好多血淋淋。」他又笑言三部曲都用同一個女主角，不過因太過血腥被女主角投訴，故承諾下次會轉拍甜蜜題材。