洪永城撩女仔：Call我呀！
洪永城、王浩信、袁偉豪及鄭俊弘四位型男應邀為新一屆港姐招募發掘靚女，洪永城與王浩信昨日出席記者會。洪永城笑言要以俊朗外表及眼神吸引靚女參選，並即席示範氹陳凱琳參選：「你係咪單身？」陳凱琳說：「關你咩事？」洪永城即以其男友鄭嘉穎的廣告開玩笑說：「選港姐可以識到男朋友，Call我呀！」
對於有傳關禮傑的長女關楓馨有意參選，洪永城說：「傑哥帶過老婆同女嚟開工，見過一次，佢好靚女，有魅力，雙眼迷人。」他又認為「星二代」見慣大場面，表現淡定又懂得應付傳媒，絕對有優勢。
至於有指他與女友唐詩詠到西半山睇樓築愛巢，他說：「唔係，自己喺西半山長大，嗰日食完飯過去散步。不過都希望向住買樓結婚呢個方向努力。」而王浩信被問到是否會以太太陳自瑤的標準去招募港姐，他說：「係（口架）！要內外兼備，仲要好似佢咁賢良淑德，咁好生養！」