志偉玩諧音粗口
藝人曾志偉昨日現身無綫擔任由薛家燕等主持的冷知識節目《乜都搞掂晒》嘉賓，不過志偉未講冷知識前就頻頻搞爛Gag及玩諧音粗口，令家燕笑到收唔到聲！他先指節目有家燕坐鎮就「乜『冷』都搞掂晒！」，又笑指對方忙於做巡迴演出，要將十字步踏遍全世界：「呢個節目收得就拍續集，叫《乜冷都得》!」家燕笑到見牙唔見眼！
談到獎門人系列踏入20周年，身為「獎門人」的曾志偉被問有否準備慶祝活動？他笑說：「最特別就係咩都未籌備囉！（做電視做到意興闌珊？）積極籌備，好嘢係要耐啲嘅！」與無綫沒有合約的他，被問到ViuTV有否接觸他？他說：「都唔知咩嚟！不過依家興真人騷。（同家燕做？）同佢做《帶住袋溝去旅行》（指馬來西亞貨幣）囉！」再令家燕笑到咔咔聲！