袁偉豪派定心丸:我屬於岑杏賢

憑劇集《鐵馬戰車》「施馬Sir」一角人氣急升的無綫藝員袁偉豪,昨日35歲生日,凌晨時他於微博上載出浴短片,引來大批網民狂呼夠晒驚喜!短片中一把女聲邊唱生日歌,邊進入浴室拍攝,當時站在浴簾後沖涼的袁偉豪驚喜大叫一聲「Oh」,並從浴簾後伸出頭來,笑容燦爛地說:「Thank you!Happy Birthday to me!」隨即以花灑自淋!惟片中只能見到袁偉豪的肩膊,令網民紛紛留言大呻「唔夠喉」!除有網友留言問「點解唔影落啲」外,亦有網民質疑該女聲並非其前港姐兼女友岑杏賢(Jennifer),而是無綫小花黃智雯!

「大把機會見我Body啦」

昨日如常為新劇開工的「壽星仔」袁偉豪透露,收工後會和女友岑杏賢撐枱腳,又指黃智雯、姚子羚及胡定欣等好友日前已買來蛋糕慶祝,對於出浴時被拍片,他說:「好驚喜!都係玩吓啫!估唔到網友反應咁大,平時大家都大把機會見到我Body啦!可能今次唔係拍嘢,我哋睇過冇問題先上載。」至於被質疑女聲非岑杏賢而是黃智雯,袁偉豪說:「係Jennifer嚟!雖然我同黃智雯係好拍檔同好朋友,但係由於我已經屬於Jennifer,所以除咗開工拍嘢之外,我係唔會畀黃智雯走入我浴室同埋屋企!」