蕊蕊拳拳到肉重新出擊

歌手蕊蕊上月與無綫藝人金剛結束三年情，當時她只在網上回應，一直未有公開露面，更低調飛到法國旅行散心。叉足電的蕊蕊重新出發並自我增值，昨日到拳館打拳時拳拳到肉，無論踢腿及出拳均甚有爆炸力，向外界宣布「我好堅強」！

短訊保持聯絡

回復單身的蕊蕊澄清分手後的種種傳聞：「我真係冇自殺，我好愛我自己。（唔開心搞到有情緒問題？）以前係有抑鬱，但已經好番晒，依家冇食藥同睇醫生。」對於被爆「分」訊，她承認金剛事前未有通知：「嗰陣同佢冇聯絡，爆咗出嚟只係好驚訝。（錯愕佢冇同你商量？）有少少預咗，不過嗰陣我嚟唔切反應。」

與金剛拍拖期間，蕊蕊已經常維護男友，想不到分手後亦不例外，她說：「我哋拍拖嗰陣，男朋友要做嘅嘢佢都做晒。（佢有咩唔好？）每個人都有好同唔好。（包容？）係嘅！」對於兩人拍拖期間曾傳出金剛好賭，蕊蕊說：「佢從來都唔賭，呢個係真嘅！（你哋有冇金錢瓜葛？）拍拖嗰陣冇分你我。（你維護對方？）冇人係完美，我都唔想畀人講，所以我唔會唱衰對方。」她表示會與金剛「再見亦是朋友」，雙方仍以短訊保持聯絡。

蕊蕊對人形公仔毫不留情，唔通當咗佢係金剛咁發洩？	蕊蕊	蕊蕊起飛腳強而有力，女人真係唔可以隨便得罪！

暫不考慮拍拖

多年感情終消逝，蕊蕊承認傷心是必然，但亦要懂得放下：「好多嘢好嚟好去，其實只係一個階段（指分手），要行到呢步我唔會強求、執着。（分手原因？）照佢咁講。（性生活唔協調？）唔答。（感情變淡？）冇真正計住。」她透露將會搬離與金剛的「昔日愛巢」：「就嚟租約期滿。（啲貓跟邊個？）不嬲都係我養。」

問到會否不敢再與圈中人拍拖？她稱其實一開始已十分抗拒：「不過當時緣分到，所以冇得講。」現時轉投新公司的蕊蕊表示會專注工作，發展歌影視各方面，暫不考慮感情事。

文：專案組　

攝：吳文聰