鄧麗欣領軍報捷 邀小牛觀戰
歌手鄧麗欣（Stephy）昨日帶領排球隊Loey參與《第三十六屆全港公開排球錦標賽》女子丙組初賽賽事，與球隊Fighting對賽，Stephy表現不俗，結果Loey以局數2:1擊敗對手。
賽前Stephy已信心十足，為了有足夠體力而特別加操：「年紀大佢哋10年咁多，試過有一次連續打兩場，朝早一場，夜晚一場，好明顯夜晚冇晒體力，所以要做gym同跑步加操。」講到不見曾傳緋聞的同性教練鄧衍敏（小牛），Stephy笑言：「其實台灣同香港唔係真係近到咁，大家唔好咁關注佢嚟唔嚟。（之後叫佢過嚟睇？）試吓邀請佢，我話你哋好掛住佢。」她亦透露下星期將要開戲，講到如此忙碌，可有時間跟舊愛方力申聯絡？她避談謂：「冇呀。（佢冇同你講加油？）冇呀，唔需要刻意講，我都冇叫佢加油，但我心裏面有叫佢加油 。」
