嘉穎朝夕相對 陳凱琳獻吻嗒糖

熱播無綫劇《殭》將進入結局篇，男主角鄭嘉穎前晚筵開三圍，慰勞台前幕後，出席演員包括嘉穎女友陳凱琳、陳嘉寶（Anjaylia）、賴慰玲（Winki）及陸永等。

Grace指《殭》是她與嘉穎的定情劇，會盡量一齊睇，更勾起不少甜蜜回憶：「拍嗰陣未一齊，年幾前，依家都過咗一周年，睇番嗰幾場古裝戲特別sweet，有朋友睇完都明白點解我哋會走埋一齊。」講到不少觀眾讚Grace的演出比《張保仔》時好，她直認自己更淡定，問是否多得嘉穎借影碟給她助她提升演技？她笑說：「好多場佢都喺度，有佢睇住係會好好多！」

賴慰玲上位

對於Grace勾起拍攝點滴，嘉穎冧笑說：「係有好多回憶嘅！（最難忘古裝場口？）係舊年情人節、新正頭嗰陣拍，連續幾日得我哋兩個日對夜對。」他又讚Grace表現愈來愈好，並笑將劇集《四個女仔三個Bar》講成《四個Bra》：「佢哋『四個Bra』團隊合作過，我對佢哋好有信心。（情侶檔再合作？）短期內唔會住。」而昨晚《殭》劇中Grace主動向嘉穎獻吻，繼續放閃光彈！

陳凱琳在昨晚播出的《殭》中向嘉穎獻吻。	陳嘉寶（左）和賴慰玲近期工作量大增。	嘉穎說《殭》的台前幕後都非常辛苦，因此想請食飯為眾人打氣。

Anjaylia及Winki直言獲劇集帶挈，工作量大增，更有內地客戶邀請出騷，對於近日Winki一場百變造型獲網友讚可愛，她笑言未敢挑戰Anjaylia做網絡女神，Anjaylia則笑指對方應走性感小野貓路線。

監製陳維冠表示今次劇種是大膽創作，希望收視更高，但最高興吸納不少年輕觀眾。講到女主角謝安琪的身材成熱話，他笑說：「個導演一定好鍾意佢，突出晒佢優點。」嘉穎則說：「觀眾品味係咁冇辦法，叫監製拍多啲囉！」

送花畀伯母

此外，Grace昨晚現身慧妍雅集慈善晚會時表示會與家人慶祝母親節，之後再跟嘉穎媽咪食飯：「早一日買定花，之後叫嘉穎代我送畀伯母。」她又讚嘉穎偶爾會買禮物送給她媽咪。

文：影視組