羅霖昨日帶同細仔出席母親節步行籌款，已提前慶祝母親節的她收到三子送的三份禮物：「最開心係細仔陪我嚟做善事，幫到有需要嘅人特別窩心，佢仲自製咗相架同花畀我。」今日她會在家煮飯跟媽咪慶祝。她慨嘆母親不易為，因現時小朋友承受壓力能力低，易有輕生念頭：「我擔心佢哋有情緒問題多過拍拖。」對於有13歲小朋友被家長打手板後揚言要報警告虐兒，自認傳統的羅霖希望小朋友尊重父母，要言聽計從。
