婚禮上，新娘爸爸拖着Angie步入教堂，並將女兒交給Joe，然後說：「恭喜你！」再拍拍女兒說：「佢好好彩！」一對新人在逾百名親友見證下簽字成為合法夫妻，其後Joe幫太太掀起頭紗，兩人先深情咀嘴，Joe再發表感人宣言：「一直都冇諗過會再有一個伴，今日好似中咗六合彩金多寶一樣！自己擔心配唔起對方，點知有日收到張卡，上面寫住『親愛的鄭敬基，你不需要成功，不需要完美，你還是重要，你是上帝為我預備的另一半。』我就決定即刻安排婚禮！」Joe又提到兒子有份撮成喜事：「佢答我得呢個星期得閒，之後Angie就話，咁不如5月7號啦！」Angie又透露暫不考慮生小朋友。