林嘉欣教細路要撞板
影星林嘉欣前日以法國五月大使身份出席《情牽莫扎特》音樂會揭幕，她表示平時送兩女上學會播古典音樂，自己2月時亦曾到法國訪問音樂團的年輕指揮家夫婦。
提到早前有婆婆推BB車遭的士撞，嘉欣覺得好驚險，幸好BB冇事，令她想起有次去美國租車才知汽車上的車用嬰兒座椅有過期日，故叫大家要定期檢查。她表示現在兩女都不用BB車，笑言大女是甩繩馬騮：「細妹就會謹慎，家姐就要撞吓板，有次去日本，佢去個櫥窗睇公仔，冇同我哋講，以為唔見咗我哋，佢準備想喊，我想行過去，點知佢爸爸就話睇吓囡囡點處理先，等咗兩、三分鐘覺得好殘忍，佢又唔識日文，佢就喊，等佢撞板，之後就識每次行開話我哋知。」