謝婷婷怕被仔摑誓要生女

藝人謝婷婷、前新聞主播蔡雪瑩（Snowy）及恒生新抱何倍倩（Anina）等昨日出席時裝品牌MaxMara活動，婷婷透露擁有多個限量版手袋及大量靚鞋，笑言家裏已變成貨倉，又希望把媽媽狄波拉送給自己的袋、首飾及褸轉贈予將來的女兒，又揚言比較想生女：「我有一次去跳蚤市場，陪我朋友個女去玩，我見到隔籬個女人抱住個仔，個仔係咁摑佢塊面，我就決定將來生女，被件事嚇親，不過我知呢啲嘢冇得揀，最緊要都係健康。」
何倍倩收到女兒送花賀母親節。
何倍倩收到女兒送花賀母親節。

Snowy開心稱懷有5個半月男嬰，她貪靚表示偷偷穿高踭鞋：「再着平底鞋，個人會好橫。」又謂現時懷孕胃口很好，並表示怕痛或會開刀生B，更會影大肚照留念：「寫真就唔好啦，唔夠膽，太性感。」而Anina透露已提早收到女兒送的母親節禮物。

謝婷婷逗小妹妹玩。
  • 謝婷婷逗小妹妹玩。
懷孕５個半月的蔡雪瑩稱重了10kg。
  • 懷孕５個半月的蔡雪瑩稱重了10kg。