黎明搭膊引爆醋意

休息了一日的黎明昨晚繼續在中環海濱舉行第七場演唱會，開騷前黎明與歌迷先展開摩天輪之約，四位幸運兒包括一位來自韓國、一位上海及兩位香港粉絲，有幸跟偶像握手，黎明又跟她們搭膊頭影相，旁觀的歌迷竊竊私語：「哎吔！黎明搭佢哋膊頭呀！」醋意大發。Leon在摩天輪上與男工作人員同坐，四位粉絲則坐對面，Leon更跟她們玩自拍，但不到五分鐘已經快閃玩完，上海歌迷更開心到喊，韓國歌迷自爆凌晨三時半已到場排隊，近十六個小時未有進食，她們說：「見到黎明太緊張，佢講咗好多嘢都唔記得，而且時間太趕，唔記得叫Leon保重身體。」

拋金句變「省話哥」

黎明演唱會連日來吸引很多圈中人前來捧場，星光熠熠，昨晚有無綫一班姐仔姚子羚、蔡思貝、黃智雯、黃心穎、許亦妮、游學修與女友蘇麗珊、容祖兒媽咪與好友，昨晚天氣好，演唱會的核心外圍有數百市民霸位開餐等聽歌，場面頗壯觀。

幸運四fans與黎明同坐「幸福」摩天輪！	放大圖片	游學修、蘇麗珊

Leon準時在八時三十二分開騷，至演唱會近尾聲時，他又拋金句：「我知道我冇乜嘢講，我覺得冇乜嘢講就唔好講嘢啦，每個人都有極限，我都有極限，唔會強迫自己講嘢，強迫自己講嘢，連自己都唔信，做乜要講呢。」

蔡思貝、許亦妮	黃心穎	姚子羚、黃智雯

直送紀念DVD行善

此外，Leon又有新搞作，會將演唱會片段製成紀念DVD放上facebook讓歌迷購買，他表示這張紀念DVD價錢平，更會盡量直接送到粉絲指定的地址，碟上除有他親筆簽名，每張碟會捐出二十元給多年來他服務過的慈善機構。唱最後一首歌《夏日傾情》前，Leon說：「今次過程最期待，就係完埋明天個騷之後，每個工作人員都安安全全咁返到屋企，我就真正開心同幸福，有時唔需要講太多嘢，good luck。」最後他祝大家下星期一開工，大家加人工同步步高陞。

文：音樂組