囝囝不捨謝安琪寧願陪死

謝安琪（Kay）早前接受電台訪問，提到母親節，她自爆與囝囝張瞻又窩心又恐怖的經歷：「嗰時佢仲好細，第一次聽咩叫生死。佢聽完就皺晒眉問我係咪第時都會老？都會死？我話每個人都會死，死唔係可怕嘅事。佢即刻扁晒嘴話原來媽咪係會死o架，仲話：『媽咪如果你會死，我去完你個喪禮就會去死！』仲話唔可以接受冇咗媽咪，好恐怖。我就同佢講佢係媽咪嘅一部分，我會將我人生最好嘅嘢交畀佢，佢就好似媽咪咁湊大佢嘅小朋友。」Kay指囝囝當時聽完攬住她哭，每次再想起都會覺得好窩心。