王卓淇自製手作送母

吳業坤緋聞女友前港姐王卓淇（Erin），與坤坤同樣侍母至孝，在母親節前夕與母親齊齊摺星星，寓意互送祝福及幸運。Erin說每年母親節定必與母親慶祝，但因今年怕太多人而提早食飯。王媽媽坦言收過最感動的母親節禮物，是Erin親手整的蛋糕：「佢大學一年級嗰陣，整過蛋糕畀我，我覺得好感動。有年佢喺英國買陀錶畀我，因為我唔戴手錶，所以收到嗰陣覺得係正嘅。」Erin說兩母女從未吵架：「媽咪採取開放式教育，大家冇隱瞞乜都傾，從來冇鬧交，係有時頂多投訴吓，例如我同人講緊電話，佢會喺隔籬搭訕又講埋一份。」對於近日女兒與坤坤傳出緋聞，王媽媽大讚坤坤：「佢係一個上進青年，唱歌好聽又孝順。（未來女婿嘅要求？）又唔好講定模式，一定要隨緣，彼此鍾意就得。」