陳凱琳晒箍牙照證冇整容

無綫藝員陳凱琳、蔡思貝、苟芸慧等，昨日到尖沙咀出席《星星探親團》記招，分享早前重返成長地拍攝的趣事。陳凱琳笑言身在溫哥華的老師，對她加入娛樂圈感到驚訝。陳凱琳回望當年留了齊蔭、正箍牙的畢業照，笑言感覺相當青葱：「之前都有人話我整容，大家可以睇到我以前同依家冇乜分別，我都係去到大學先箍牙。」
陳凱琳（右）與蔡思貝早前重返成長地的校園拍攝節目。
陳凱琳（右）與蔡思貝早前重返成長地的校園拍攝節目。

而以小背心亮相的蔡思貝，透露在新西蘭校園重遇以前的老師，感性得又喊又笑：「好多感觸，臨時搵咗套校服着住喺學校拍嘢，啲老師都認得我，因為我以前係藝術組嘅組長，負責搞活動。」同場的苟芸慧外套內穿上小背心騷「事業線」，對此她說：「我只係着件中性褸，希望感覺係健康唔係性感。」

陳凱琳大晒當年留了齊蔭、箍牙的畢業照。
  • 陳凱琳大晒當年留了齊蔭、箍牙的畢業照。