黎燕珊日日運動 body fit過囡囡
藝人黎燕珊與22歲女兒劉詠詩（Wynce）昨日母女檔出席「瑞士天梭表It's Time for Love」母親節活動。Wynce更揚言把活動酬勞全數送給媽媽，並已相約對方於其正日5月20日生日慶祝。
穿上紅色吊帶裙晒線的黎燕珊與穿上短褲騷長腿的Wynce，各有美態。Wynce賣口乖大讚母親保養得宜，黎燕珊則坦言二人不時交流扮靚心得，更會交換衫及鞋穿：「佢欣賞我嘅堅毅，每日做半個鐘帶氧運動，我生咗兩個都keep得好過佢。佢有啲位多咗少少，我成日都鼓勵佢同我一齊做運動。」
現職空姐的Wynce坦言有拍拖，男友亦見過母親。問到黎燕珊有何評價？她大讚：「ok，佢好有禮貌、上進、敦厚、踏實。拍拖係好，健康嘅生活圈子。」黎燕珊又透露Wynce的夢想是帶家人周遊列國，並計劃今年暑假帶胞弟到澳洲旅遊。
文：名人組