好收視有口碑 陳煒：已經有交代
陳煒和黃光亮主演的《火線下的江湖大佬》前日錄得25點收視，成績令人滿意。對此，陳煒在電話中表示：「我哋其實都係做足演員嘅本份，齊心做好件事，對自己同觀眾有交代就得。」對劇集收視好和有口碑已經滿足，不會太介意ViuTV的收視。
昨日兩人到電視廣播城拍攝無綫節目《男人食堂》時，談到節目主題「我是路人甲」，黃光亮直指每人都是路人甲，連亞姐冠軍出身的陳煒亦不能幸免，他說：「你問我有冇做過路人甲？X你呀，你冇做過路人甲？」談到《火》劇因黑社會題材接到七宗投訴，黃光亮說：「咪唔好睇囉！（唔睇冇收視喎！）冇收視關我咩事！又唔係我投資！除非我做得唔好o架啫，咁我係咪唔好呀？」他語畢即怕醜匿在陳煒背後，非常搞笑。
