丘雪祺畫出緣分
時裝設計師丘雪祺昨日出席由潮藝鑑賞舉辦的中國當代藝術全新視覺－牛安作品展，她大讚牛安擅長運用色彩，自己在時裝設計上亦愛用多色設計，故感覺很有親切感：「可惜佢冇嚟香港，希望有機會同佢傾偈。（你都鍾意畫畫？）由細到大都鍾意，鍾意用畫寫日記，我想一起身就見到藍天白雲，所以幫間屋畫咗幅中國雲海嘅畫，又試過瞓唔着起身畫畫，希望將來開個人畫展。」
丘雪祺認為畫跟人有溝通，令你欣賞是一種緣分，是一種磁場，她認為畫給予她的靈感不單止視覺上，亦是思維上。問到男士是否也要有磁場才吸引她？她說：「呢方面唔了解，係化學作用，我覺得咁多百萬人，遇到一個好朋友，都係同一道理。」