戴蘊慧遇怪司機 以死保名節
現年46歲的「嫲嫲級」藝人戴蘊慧上月隻身往杜拜遊玩，竟發生被她形容為「死裏逃生」的嚇破膽經歷！她在Facebook講述事件，指當日經酒店私人Book車及司機前往沙漠觀光，但途中先被司機不停用手機拍攝，其後再有幾個陌生大漢上車，雙方不停「嘰哩咕嚕」，又將音樂聲量調高！
戴蘊慧登時心感不妙，即用手機拍下與他們的合照，又告知他們已將合照放上網望各人知驚：「心想，我完蛋了，想到最壞情況，我已決定撞牆以保名節。」雖然未有「最壞情況」發生，但戴蘊慧已嚇得發誓不會再去冒險。
擔心被輪姦致死
記者昨日聯絡已返港的戴蘊慧，她憶述當日情況：「當時我有問司機嗰班係咩人，佢話係酒店職員，咁我咪話『合照』已經放上Facebook，佢先將收音機聲量減細，態度又收斂咗，同將架車掉頭去沙漠，我心諗之前架車諗住去邊呢？（幾名大漢有冇奇怪行動？）佢哋跟埋我去沙漠，回程就冇再跟上車喇！」她坦言要「誓死保貞節」是因聯想到印度曾有女子被輪姦致死：「我當時諗到呢個片段！（咬舌自盡？）嗰時冇諗咩方法死，如果發生就真係死咗去囉！」她透露事發後想過投訴，但最後不想將事件鬧大及怕被指搞新聞而作罷。
文：音樂組