袁偉豪金底褲裸命色誘
無綫新劇《三個女人一個「因」》昨日試造型，黃智雯飾演人格分裂成三重性格的角色，甚考演技。袁偉豪爆黃智雯要求他操六舊腹肌及着T-back拍攝跳脫衣舞色誘她的戲份，他表示未知是否要「僭建」增加立體感，但坦言會叫女友幫手揀底褲！
藝員黃智雯、袁偉豪、陳智燊與新人郭子豪昨日在將軍澳電視城為潘嘉德監製的新劇《三個女人一個「因」》試造型，黃智雯在劇中精神三重分裂，分別與袁偉豪、陳智燊及新人郭子豪有三段情，當中她會幻想袁偉豪跳脫衣舞色誘她。
同羅仲謙食過飯
黃智雯受訪時表示角色有三重性格，包括斯文律師、狂野及愁爆，可謂一次演技「考牌」，笑謂擔心拍到真的精神分裂！講到有指因楊怡不想羅仲謙再惹緋聞，故羅仲謙辭演該劇，角色由袁偉豪頂上，黃智雯說：「未正式拍，角色都有機會轉變，呢個組合都幾好，同阿Ben（袁偉豪）合作過有默契。最近同過楊怡、羅仲謙食飯，佢係有其他工作接唔到啫！」
袁偉豪講到色誘戲，踢爆黃智雯叫他着T-back跳舞：「場戲係黃智雯嘅幻想嚟，黃智雯收到劇本已經叫我操定六舊腹肌，不過自己都有底線嘅。（着咩底褲跳舞？）最多都係着參選香港先生時嘅土豪金三角褲。（黃智雯對你好多幻想？）我哋合作過幾次，好多嘢可以開心見誠講，佢叫我唔使怕醜，叫我着T-back跳喎。（搵女友幫你揀底褲？）都好，用女性嘅角度去揀會好睇啲，開工時睇吓使唔使僭建、使唔使立體啲。」
陳智燊挑戰鵪鶉
問會否介意頂替羅仲謙？袁偉豪說：「唔知係咪，不過冇所謂，多個機會咪好好把握，大家都係向前行緊。」而陳智燊飾演黃智雯的未婚夫，角色性格鵪鶉，他表示最考功力的是不能做得滑稽。
文：影視組