衛詩雅收「五級」淫照發火:過分!

藝人衛詩雅昨日為美容品牌拍攝海報,期間自爆最近遭陌生男子以不雅照及喘氣錄音騷擾,她直呼嬲爆:「我收到一堆『五級』淫照,佢仲傳段喘氣聲嚟,過分!」

衛詩雅昨日以短髮造型上陣,在新蒲崗為美容品牌拍攝海報,期間自爆最近收到陌生男子以短訊傳來性器官特寫的不雅照,以及呼喚其名字的喘氣錄音,她說:「我喺網上留咗經理人聯絡電話,結果收到一堆『五級』淫照!經理人有畀我遠睇,睇唔清楚佢個樣,但佢用唔同角度影自己性器官,我好嬲!佢仲傳咗段喘氣聲嚟,又嗌我個名,過分!」

「成輯寫真咁傳嚟!」
問到圈外男友可有安慰?她指男友吩咐她不用理會及在意,而她平日夜歸亦由男友接送回家,故不擔心人身安全。問到可打算報警?已非首次收到不雅照的她表示不打算報警,但擔心對方會變本加厲:「我咁講出嚟比報警威嚇性更大!(之前都收過不雅照?)之前有人透過微博私信咗一張器官相畀我,但今次係成輯寫真集咁傳過嚟,我驚下次會收到影片!」

忙拍戲冷落男友

提過不快事後,她透露拍攝海報酬勞可觀,有意儲錢買樓,問到是否與男友齊齊睇樓?她表示是獨自睇樓,又笑言最近因忙於拍戲而冷落了男友兩個月,結果被投訴:「之前拍戲演沉重角色,為套戲剪咗短頭髮,男友話呢排唔搵我,等我投入角色,冇見佢前後差不多兩個月。(佢有投訴?)有,投訴我唔同咗。(氹番佢?)唔使,佢理解嘅,佢EQ好高。我遇到好嬲嘅事,佢都會正面開解我。」

文:影視組