吳業坤炒車愈撞愈攞獎

吳業坤人紅當旺，撞車都咁開心。

吳業坤前日發生交通意外，泊車時被前車倒後撞花座駕，已報警備案，雙方亦已和解：「維修時再諗賠償，架車買咗唔夠一年已經發生三、四次小碰撞意外，要考慮下好似唔係好夾我咁，但係又好多獎喎！當破財擋災，最緊要人冇事。」

張敬軒有三項提名，直言對自己的唱片有信心，雖然市道不好，堅信做好音樂自然會有知音人。講到台灣女童遭斬首慘案，軒仔看到女童媽咪寫的公開信後頂唔順喊了：「呢件係人間慘劇，希望情緒或者精神有問題嘅人去睇醫生，亦都提醒大家要睇緊啲小朋友。」至於泳兒媽咪中風已轉到專科醫院治療，除了針灸亦請人為母按摩，她承認醫藥費有壓力。而石詠莉對於男友鄧健泓網晒巨型戒指相，是否好事近？她說：「佢玩下啫！如果真係咁大隻戒指我都驚。」

許廷鏗、吳若希

眾歌手出席IFPI香港唱片銷量大獎拜神儀式。