何雁詩愛情得意憑歌寄意
歌手何雁詩昨日到電台宣傳新歌《最真心一對》，近日忙於拍劇是否沒時間陪男友？她說：「所以好多時係佢陪我，佢都有嚟探班，特別係好凍嗰陣佢會帶褸同買嘢食嚟。（加分？）冇得再加，佢已經係滿分。其實呢首歌係我哋一齊冇耐嗰陣錄，係講搵到個啱嘅人就足夠，所以唱嗰時特別投入，好應景。」
有傳好友陳瀅跟賭王四房兒子何猷亨閃婚，她說：「我諗應該唔會，冇聽過佢講結婚，係不實報道，佢呢排唔喺香港，要返娘家探外婆。（佢同男友好sweet？）又唔覺，係好正常嘅情侶。」她直認兩人有傾過結婚話題：「對佢嚟講拍拖咁短時間唔會結婚，而且個男仔又細佢幾年，我諗都會等事業好啲先結。」