鍾麗淇4個月細女識叫阿媽
瑜伽導師兼前藝人鍾麗淇昨日現身商場活動，她透露由於工人姐姐放假，自己要照顧兩名女兒分身不暇，非常疲憊。她稱大女雖然患有罕有基因病，但性格溫和很易湊，反而細女則經常喊，湊得較辛苦，不過，現時四個月大的細女近日竟然懂得開口叫媽，令她既驚且喜：「我個大女五歲，都未叫過我媽，因為佢唔識講嘢，所以聽到細女叫媽，雖然未必係對住我講，但都好warm。（大女有冇呷醋？）佢唔識，佢好錫細妹，又好體諒我，我之前生細女，令盆骨有少少移位，都少咗抱大女。」
另外，對於好友梁靖琪（Toby）被本報拍到與新歡陳基燊拍拖，身為好姊妹的鍾麗淇直言支持對方：「Toby都離咗婚一段時間，知佢想低調處理感情事。（個男仔過晒你哋關？）過晒啦，佢好好人，但最後選擇唔係我。（Toby已準備好接受新戀情？）準備咗好耐，我都希望佢快啲，因為我哋成班姊妹大部分都結婚生仔，佢有喜事都戥佢開心，我哋都好鼓勵佢。不過佢知道畀人影咗，都唔開心，我叫佢要接受。」
