林嘉欣戰衣包到冚
影后林嘉欣及導演老公袁劍偉、衛詩雅昨日為電影《暗色天堂》進行謝票。談到該片票房，嘉欣笑言：「我唔睇票房嘅，最緊要電影口碑好，自己能演好角色已經有交代。」衛詩雅表示遭觀眾追問為何男主角張學友缺席？嘉欣就踢爆學友因女兒放復活節假期，忙於享受天倫樂，嘉欣亦透露將放假陪伴女兒歡度復活節。
唔信流傳賽果
問及憑《暗》片角逐香港電影金像獎「最佳女主角」的嘉欣，頒獎禮當日會否以性感戰衣示人？她即搞笑表示到時有導演老公袁劍偉在旁，只會打扮密實：「唔會性感，因為導演喺我旁邊，會包得好密實。（轉拖學友行紅地氈？）梗係同導演啦！我近乎着樽領衫喇！」
談到日前網上流傳今屆金像獎賽果，嘉欣被指敗給楊千嬅而失落影后獎座，學友則敗給郭富城未能稱帝，嘉欣對此笑言並不在意：「唔緊要啦，最緊要有戲做。頒獎禮同宣傳對我嚟講係工作一部分而非全部，演戲當下享受先係最關鍵！（信唔信個賽果？）對呢啲唔太關注，以前我會好驚賽果，但大個咗就覺得唔好因為冇獎否定自己能力。」
嘉欣又說學友在她心目中已經攞了影帝：「佢做得好、好自如。（你整個獎畀佢？）佢知（我心意）嘅！」
文：影視組