田蕊妮難捨亡母眼紅憔悴

無綫藝員田蕊妮母親韓美枝。

田蕊妮與老公杜汶澤昨日下午四時到達殯儀館，田蕊妮容顏憔悴，雙眼通紅，兩人停下拍照後即步入靈堂，田蕊妮表示：「有心！有心！」她於靈堂內望着母親的靈堂照良久，忍不住要以手巾拭眼淚，隨後到後堂瞻仰遺容，步出時一臉哀傷。

隨後杜汶澤在殯儀館外接受訪，問到田蕊妮的心情？他說：「雖然大家都明白呢個係人生必經嘅階段，但當發生嗰陣亦唔係咁容易去面對，需要啲時間。（你心情點？）我都係啦，雖然我咁嘅年紀都開始需要面對呢啲情況。（田母有冇遺願？）其實佢病咗幾年，有人會覺得佢走得太早，因為佢係癌病離開，令到我哋有時間去預備，件事並唔係咁突然。呢幾年大家都好珍惜，佢阿哥生咗小朋友，對佢嚟講係開心可以抱孫，好安樂。（會唔會停工陪阿田？）我宣傳緊電影，佢亦都拍緊劇，之前大家亦都研究接唔接好，我就鼓勵佢照樣工作，除咗瞓覺果嗰六七個鐘，其他時間用嚟傷心，倒不如將時間放喺工作上，咁反而會好過啲。」

田蕊妮於靈堂內望着靈照良久，更以手巾拭眼淚。

容顏憔悴的田蕊妮與老公杜汶澤，送別母親最後一程。