楊怡與羅仲謙於圈中有不少好友，與楊怡同一經理人、與謙仔亦是好友的吳卓羲接受本報訪問時坦言睇相先知結婚：「我都係睇到相先知佢哋結婚，咁佢兩個都係我好朋友，梗係要恭喜佢哋白頭到老，快啲生BB，一切嘅嘢，都要等佢哋自己公布啦！」
而與楊怡合作多次的馬國明謂：「當然要恭喜，希望阿怡快啲生小朋友，（佢同你講過想做媽咪？）冇，我自己諗啫！雖然佢好口密，但都OK嘅！始終結婚係兩個人嘅事，最緊要自己開心就得啦！」而身在上海的馬浚偉亦坦言：「我上兩個星期同佢（楊怡）以短訊聯絡，話約食飯，當然恭喜佢啦，鍾嘉欣後就到佢，我送上遙遠嘅祝福畀佢！」至於與阿怡是好友的陳敏之，亦在微博恭喜好姊妹：「你鬼馬嘞！恭喜好姊妹加入索爆人妻一族！祝福羅生羅太新婚快樂，三年抱兩！羊咩（楊怡）要一世幸福！」
