4周年結婚零驚喜諸葛紫岐清醒唔造人
名媛諸葛紫岐（Marie）與Neway太子爺薛嘉麟曾經歷情變風波，前日二人四周年結婚紀念日，本來Marie打算到外地旅行慶祝，但因要出席慈善晚宴而改期。諸葛於凌晨時分在社交網站突然「放閃」，上載兩張頭貼頭的親密照，其中一張薛嘉麟更肉緊地錫向愛妻，諸葛留言：「四周年的驚喜就是無驚喜！」雖然Marie笑說零驚喜，但是有薛嘉麟送上「肉嘴」已經夠晒冧！
記者致電問Marie點慶祝？她說：「佢一早訂咗位去食日本菜，二人世界，但冇花冇人唱歌冇禮物，只有錫錫！（老公有冇乘機灌醉你，再造人？）我冇畀佢灌醉，好清醒，所以佢唔能夠成功。其實老公亦冇要求再造人，因為囝囝已好唔容易，同埋囝囝唔想要細佬妹。」
