何浩文鴨王有價百萬陪出海
男星何浩文（Dominic）主演《鴨王》系列電影，演得入型入格令其「鴨王」形象深入民心，更令他不時被「問價」！Dominic昨日再在社交網自爆遭「問價」，他回應時更指每日都收到約十個類似短訊，但笑言演出得到肯定應該開心，又透露曾有人提出以7位數包起他陪上遊艇，他直言「我唔會囉」！
曾拍過《鴨王》系列電影的男星何浩文（Dominic），因角色形象太深入民心，不時發生被人「問價」的事件，昨日Dominic再於社交網甫相自爆又收到「問價」短訊，內容寫下：「Hi Dominic……how much is ur charges for 1 night.（Dominic你好，你一晚收價多少？）」Dominic之後又留言，向朋友尋求回答方法：「有冇好主意我點答佢好？」
事後Dominic回應記者時表示，自從拍了《鴨》片後，不時收到類似短訊，現時更每日大約收到十個：「可能啲人太投入我電影入面個角色，換個角度諗都幾開心，演出得到肯定，但可能啲人分唔開電影世界同現實世界，當然我唔會咁做啦！」
堅拒受邀
問到對方要求有甚麼「服務」時，他指：「佢哋啲帳戶好多都係空戶，要求我留低電話再搵人覆我，當然我唔會回覆啦。（男定女？）唔知，我覺得可能係中間人啩，試過有人提出三日陪人去遊艇玩，話唔少於7位數囉，都係嗰句『我唔會囉』。」
文：專案組