草蜢鬥跑輸咗請食鮑
草蜢三子昨日為下月10日參加的10K跑步賽出席校園分享會，閒時蔡一智和蘇志威（阿細）愛跑步，反而蔡一傑愛游水，很少練跑，所以三子是首次「處男下海」一齊出戰10K。
問三人會否以一餐飯來賭輸贏？傑仔即說：「我唔賭o架，我係同自己比賽嘅。」傑仔稱左腳膝頭有些舊患外，這天起床後感到右腳腳趾似扭傷，擔心會影響出賽。阿智即兄弟情深謂：「咁到時我同阿細『人肉搭橋』托傑仔返終點。」傑仔抵死說：「到時點會理我吖，唔緊要，我Fans多，點都會陪住行返終點。」問阿智是否真的賭餐飯？他謂：「如果蘇志威唔介意輸隻鮑魚畀我嘅話啦！」阿細亦不認輸：「我有乜所謂，反正有人請食飯！」