冇收帖傳不和 鄭嘉穎認少聯絡

無綫新劇《殭》演員鄭嘉穎、陳凱琳、謝安琪、陳山聰，昨日在電視城拍攝宣傳片。嘉穎因未有出席吳奇隆與劉詩詩在峇里舉行的婚禮而被傳不和，對此他謂：「冇不和，太遠喇，可能佢哋知我懶所以冇請我，唔使我咁辛苦抉擇去定唔去。如果杏兒去到好遠擺酒，我都會考慮去唔去。（傳你同吳奇隆鬧不和﹖）冇唔妥，咁就不和？邊有咁小器(o架)。好老實講，近年同奇隆、詩詩係少聯絡，大家各有各忙。松哥同心悠同佢哋拍咗兩部劇會熟啲，總之就冇不和。」同場以低胸裝上陣的陳凱琳比謝安琪性感，陳凱琳說：「性感咩？已經遮住咗，其實造型想跟番之前月曆的型格造型。（網民攞你哋比較﹖）成日都會比較，不過自己就冇去比。」鄭嘉穎被問到覺得女友陳凱琳還是謝安琪較漂亮，他說：「你哋明知故問，唔答，鹹魚青菜各有所愛。」