古天樂遭盜卡一Cut兩斷
對於小齊差點被騙走整副身家，原來不少圈中藝人亦有類似經歷，古天樂昨晚出席活動時透露，曾被人盜用信用卡：「銀行發現有筆過數唔對路，所以佢哋冇畀到過數，仲即刻打畀我問！我覺得對方好蠢，同一筆數唔成功過數就再過幾次，仲要筆數係喺美國簽，但我人就喺香港，最後為安全着想Cut卡！」
而小齊圈中一班好兄弟包括梁漢文（Edmond）、蘇永康與黃家強得知事件後，蘇康笑言嚇到不懂回應！Edmond則指上周已從小齊口中有所聽聞：「係好麻煩！（佢今日報咗警！）啱o架，事態嚴重！（小齊電腦有很多私人資料？）我諗佢都幾頭痕。」他又建議大家要有警覺意識，自己一直有吩咐銀行，如信用卡簽帳過了某一個數目或轉帳多過某一個數額，便要求銀行通知問清楚。家強則認為重要文件還是鎖在夾萬比較好，盡量不要在電腦上網時處理太私人事務。
