李璧琦下廚蒸糕益親友

藝人李璧琦（Becky）身形弗爆，不過私底下卻鍾意飲飲食食，亦甚有廚藝天分，食得健康的她更親自製作杞子紅南棗糕，眼見有份食糕的親朋戚友都大讚好食，忙於拍劇的Becky都不忘Encore製作多幾個予親友品嘗，她說：「呢個紅南棗糕有十層，每層要蒸10分鐘左右，所以好花時間整，同埋南棗咁啱撞正失收期，所以價錢都唔平，不過見到大家都讚好食就抵番晒啦！」她笑言自己特別喜歡吃煙韌食物，又希望吃過紅南棗糕的親友能夠十全十美，甜蜜煙韌。