內地模特兒嘅發展模式，往往都係先從拍寫真開始，跟住喺商業市場上爭取曝光率，繼而向影視界進發。不過呢個模式套用喺趙伊彤身上卻一啲都唔適合，事關佢投身模特兒行列之前，已經喺影視界打滾咗一段日子，故此對佢嚟講不論模特兒定係演藝工作，全部都游刃有餘，從商亦難佢唔倒。
唔少男士見到趙伊彤嘅時候，目光不期然落喺佢對39吋巨乳之上，其實呢位24歲嚟自天津嘅女模，吸引力唔單止得一對迷人巨乳，仲有冶艷嘅樣貌、渾圓嘅美股同埋一雙修長嘅美腿，外形絕對係冇地方可以挑剔。事實上，早喺2010年出道嘅伊彤，憑住出眾嘅外在條件，早已引起大家嘅注意，更長踞模特兒網站嘅美女排行榜第一位，證明佢實力超卓，同時相當受歡迎，難怪被喻為「新一代宅男殺手」。
此外，2011年佢喺天津汽車展中獲得最佳模特兒獎項，2013年打入青島啤酒文化節模特兒大賽最後10強，2014年參加模特兒大賽成為華東地區30強，令阿妹人氣暴升，工作亦接踵而來，先後成為多個網絡遊戲及內衣品牌嘅代言人，佢又以車模身份參與名廠汽車嘅推廣活動，並且為眾多商品拍攝平面廣告，當然唔少得喺各大時尚、生活、男士雜誌上亮相。美艷嘅外形不但喺內地受人注視，佢更成功打入日本、韓國同台灣嘅模特兒人氣榜，如此優秀嘅成績，足見佢嘅魅力有幾咁吸引。
若然以為伊彤嘅能力僅限於模特兒工作嘅話，咁就錯晒，畢業於天津理工大學嘅佢，早喺2006年參與電影演出，2010年佢喺一部電影更飾演大奸角，演技備受讚賞，但係佢自覺演技未到家，為咗提升演技，便到北京電影學院修讀演藝課程，認真好學。相信佢完成課程後演技大進步，配合埋火辣身材，將來喺演藝界必定能夠闖出名堂！
如果大家以為伊彤最多係模影雙棲發展嘅話，咁你又錯喇！事關佢努力朝呢兩個方向發展同時亦染指商界，希望能夠喺商場上闖一番事業，上年佢開設網店專售男士時裝，點解佢唔賣女裝呢？原來佢雖然對女裝有相當認識，但係對男裝有更獨特嘅見解，不但有專業級嘅品味，更鍾意為男士配搭衣着，故此佢將呢種專長變成一門生意，務求可以喺商場上獲利。
早前佢喺微博透露，計劃代言情趣用品，並且詢問粉絲會唔會支持佢。呢個消息一出即刻引嚟大家嘅熱議，當中嘅道理一啲都唔難估，作為如此一個巨乳尤物，若能代言情趣用品嘅話，試問有邊個男人會按捺得住呢？梗係舉手支持啦！
出生地：天津
身高：175cm
三圍：39、27、37
簡介：趙伊彤憑住一對迷人巨乳，加上火辣外形，確實係非常吸睛。幸好，阿妹一啲都唔孤寒，經常喺微博派發福利，將性感靚相跟粉絲分享。想知道佢更多生活點滴嘅話，仲唔成為佢微博嘅追隨者？
網址：http://www.weibo.com/u/1786869457?from=hissimilar_home&is_hot=1
撰文：魂