陳寶珠 梅雪詩跟唔足仙姐要求
陳寶珠與梅雪詩（阿嗲）昨日現身電台為五月舉行的粵劇《牡丹亭驚夢》宣傳，因為反應熱烈已加開至20場，寶珠姐笑說加到20場仍欠很多飛債：「不過暫時都係20場，我哋當然希望會加場啦！但因為都要配合樂師同個場地，如果情況許可都會想再加場。」
戴口罩抗流感
阿嗲之前曾表示會減肥，她笑問記者道：「我係咪比之前瘦？」她笑言一直都有進行減肥計劃：「都減咗7、8磅，差唔多減番新年時候食肥咗嗰啲，但想減多10磅，應該都唔難嘅。」她們又講到最近流感肆虐，要更注意身體健康，基本上外出都會戴口罩。
講到綵排得如火如荼，問師傅白雪仙可有到場監場？兩人表示要等到響排時師傅才會現身：「不過私下我哋有排畀佢睇，佢次次都擰頭，每次都達唔到師傅要求。」阿嗲更自嘲十年如一日：「話極都係嗰啲，點都做唔到師傅要求，有要求係好，有要求先會進步，唯有跟貼啲，盡量做好自己。」寶珠姐又講到響排時師傅會親自到場，希望到時氣氛好表演得會更有水準。
文：音樂組