李添勝榮休 鄧萃雯抓合作無憾
效力無綫近半世紀的監製李添勝前晚筵開22席祝賀榮休，出席的包括鄧萃雯、黎耀祥、胡定欣、陳山聰、陳展鵬等。打造不少天王巨星的李添勝認為多年來以周潤發及鄭裕玲最出色，而鄧萃雯坦言慶幸在李添勝退休前能與黎耀祥一起打造《巾幗梟雄》系列的經典劇。
加入無綫近半世紀的李添勝在多年來提攜不少天王巨星，他坦言：「離開一定唔捨得，但人始終要退落嚟，因為體能出咗問題，膝頭哥痛，尾龍骨亦有一節走位，企得耐會腳痺。（印象深刻嘅明星﹖）周潤發、鄭裕玲，咁出色嘅演員真係唔多。」滿意作品李添勝則數到《火鳳凰》、《楚漢驕雄》、《鐵血保鏢》、《網中人》、《親情》，他說：「最近再睇《鹿鼎記》又幾得意，再拍都搵唔番嗰兩個主角，當時真係人才鼎盛。（依家冇咁多人才？）冇辦法。（有冇請梁朝偉嚟？）邊個想嚟就嚟，公司話幫我搞，我話千祈唔好，退休小事一則。」
慶幸夢想成真
鄧萃雯、黎耀祥與李添勝合作打造經典劇《巾幗梟雄》系列，原來促成合作全憑短短的一支煙時間，她謂：「《巾幗》之前冇機會同添哥合作，聽聞佢就退休，人生唔可以有遺憾，有次見到添哥食煙就走埋去同佢講『你退休之前一定要搵我拍劇』，真係好多謝呢支煙，3日後添哥就打畀我，我就話可唔可以搵埋黎耀祥，添哥就好似我嘅神仙棒將我嘅夢想變成真，好感激佢，冇諗過咁成功，係一件意外成功好美麗嘅事。」
黎耀祥唔捨得
因工作姍姍來遲的黎耀祥則代表台前幕後送上「黃金監製」擺設賀榮休，黎耀祥在台上表示：「有添哥我先有今日，到現時為止都係最鍾意《巾幗梟雄》、《巾幗梟雄之義海豪情》，添哥退休當然好唔捨得，好唔捨得咁有公信力、咁有民望嘅監製。」在場的陳山聰否認重新追求何超雲，並感激李添勝在他事業谷底時起用他。
文：影視組